SANTA AGEDA BEZPERA - Otsailak 4

GOGORATU!! Otsailaren 4an Santa Ageda bezpera ospatuko dugula.

Otsailaren 4an Santa Ageda bezpera ospatuko dugunez, eta aurreko urteetako esperientzia kontuan izanik, haurrei ibilbidea erraztea pentsatu dugu. Beraz, HH 04- 05 urteko haurrak, beti bezala, 14:30ean etorriko dira eskolara, eta ondoren, 15:15ean Gabriel Krutzelaegi kalean hasi (Ludoteka parean) eta ikastolaraino joango dira santa eskean. Bertan LHko ikasleekin batera abestu eta gero, gelara itzuliko dira. Horretarako, haurrak praka bakeroekin, beroki ilunarekin, zapi loredun edo kolore bizikoarekin eta makilarekin etortzea eskertuko genizueke. Euria egingo balu, Ikastolan ospatuko litzateke ekitaldia.

5.GAIA

GORPUTZA  “Handitzen, handitzen...”

Bosgarren unitatean ekitaldi guztiak lotzeko bide ematen duen interesgunea gorputza da. Interesgune horren inguruan, hainbat jarduera egingo ditugu. Gorputzeko atalak ezagutzeaz gain, gorputzean ikusten ez diren hainbat gauza badirela ezagutuko dugu (zentzumenak, sentimenduak …).

Bosgarren gaiarekin batera landuko dugun ipuina “Mari Kanela” izango da. Oraingoan hiztegia ondorengoa izango da:

BURUA	BESOA	MARI PETRAL
ALUA	AHOA	TXOKOLATEA
ZAKILA	OINA	AZENARIOA
IPURDIA	BELAUNA	KALABAZA
BULARRA	HANKA	TXORITXOAK
BELARRIA	ATZAMARRAK	ZAPATAK
SUDURRA	MARI KANELA	SUKALDEA
ESKUA	AMA	HASERRETU
UKONDOA	ERRALDOIA	BELDURTU
MIHIA	GARBITU

GAIKO IPUINA: Mari Kanela

GABONETAKO ZUHAITZA

Hasi gara gure Gabonetako zuhaitzak egiten. Hona hemen nola emandako urratsak:

1.- Zuhaitzaren forma egin paper handi batean:

2.- Berrerabiltzeko aldizkariak eta egunkariak hartu eta guraizak erabiliaz zati ezberdinak moztu:

3.- Moztu ditugun zatiak paperean itsatsi:

4.- Aldizkari eta egunkari zatiak itsatsi ondoren, lehortzen utzi:

5.- Apaingarri ezberdinak jarri zuhaitzari:

BADATOZ GABONAK

Kaixo familia,

Gabonak izateko egun gutxi falta direnez, gure ikasgelak apainduko ditugu, horretarako, "Txirritx-en eskutitza" jaso duzue etxean eta bertan eskatutakoa oso ondo egin duzuenez, zuek ekarritako berrerabiltzeko gauzak erabiliko ditugu ikasgelak apaintzeko.

Adibidez, honelako zuhaitz bat egingo dugu:

OLENTZERO ETA MARIDOMINGI IKASTOLARA DATOZ!!

Familia agurgarria:
Datorren abenduaren 18an, ostirala, Olentzeroren eguna ospatuko dugu.  Egun horretan, zuen seme-alabak baserritarrez jantzita etortzea eskertuko genizueke.

OHARRA: Norbaitek baserritar jantzirik lortuko ez balu, galtza bakeroak, alkandora zuria eta zapi batekin etortzea nahikoa izango litzateke.
Aldez aurretik eskerrak emanez,

HHko eta LHko TUTOREAK

ERAKUSKETA

Kaixo lagunak!!!

Hementxe dituzue abenduaren 1ean egin genuen erakusketako hainbat argazki.

**********************

**********************

4.GAIA

Gabonak “Horra! Horra!”

Laugarren unitatea lotzen eta egituratzen duten gaiak Gabonak eta Olentzero dira. Gai honekin gabonetako giroa sortuko dugu gela apainduz, abestiak landuz, gabonetako postala prestatuz …

Laugarren gaiarekin batera landuko dugun ipuina “Mari Domingi eta Olentzero” izango da. Hau izango da landuko dugun hiztegia:

OLENTZERO	IZARRA	ESKUTITZA
MARI DOMINGI	OPARIA	POSTONTZIA
ADABAKIA	APAINGARRIA	ABERATSA
BEHARTSUA	GUTUNA	IZEIA

4.GAIKO IPUINA