Euskal Inauteriak

Ostiralean Euskal Inauteriak ospatu genituen ikastolan. Oraingoan ere eguraldia ez genuen lagun izan, eta ondorioz, ekintza barruan egin behar izan genuen. 2, 3 eta 4 urtekoak erdiko aretoan elkartu ginen eta bertan dantza mordo bat egin genuen.

Ostegun Gizen!

Ostegun Gizen ospatzeko, lehenik sorginez mozorrotu ginen. Ondoren, edabe magikoa prestatu, magia pixka bat egin eta nola ez, abestu eta dantzatu egin genuen. Bukatzeko, merendola goxo-goxo batekin amaitu genuen.

Lurreko jolas berriak goiko parkean

Gure kanpo espazioak pixkanaka apaintzen eta hobetzen jarraitzen dugu eta goiko parkean, aurretik genituen jolasez gain, lurreko jolas batzuk gehitzea pentsatu dugu.

Begiratu zein gustura ibiltzen diren bertan jolasean!!!

Santa Ageda

Otsailaren 2an, ostiralean, Santa Ageda ospatu genuen ikastolako erdiko aretoan. Gure asmoa kalera ateratzea bazen ere, eguraldi txarra egin zuenez bertan ospatu beharrean aurkitu ginen. Gurasoak ere gerturatu zinaten ikustera eta denon artean kantuan aritu ginen. 

Eskerrik asko gerturatu zineten guztioi!

Zirku Kolosala

Zirku Kolosala

Urtarrilaren 25ean, ostegunean, “Animalien Zirkua” ikuskizuna eskeini genuen erdiko aretoan. Bertan aurkezleak, palomita eta globo saltzaileak, elefanteak, lehoiak, tximuak, trapezistak eta

pailazoak izan genituen. Zein polita izan zen eta zenbat gozatu genuen! 

Norbaitek egunean bertan ikusterik izan ez balu, hemen duzue bideoa.

Psikomotrizitate saioetan jolasean

Dakizuen bezala, astean behin psikomotrizitate saioak izaten ditugu. Bertan material ezberdinekin libreki jolasteko aukera izaten dugu. Begiratu zein gustura ibiltzen garen!

Gorputza gaiarekin loturiko Proiektu Proposamenak

Gorputza gaia lantzen hasiak gara eta dagoeneko gorputzeko atal gehienak ezagutzen baditugu ere, hauek marrazten eta idazten ahalegindu gara aste honetan.

Alde batetik, plastika gunean haur baten gorputzaren irudia eman diegu eta beraiek bururatu zaizkien gorputzeko atal guztiak marraztu dituzte. Ondoren, margotzeko aukera ere izan dute.





Bestetik, irakurketa-idazketa gunean gure haurren silueta marraztu dugu paper haundian eta gorputzeko atal ezberdinak marraztu ondoren, bakoitzak nahi izan duen atala idatzi du. Ikusi zein polita geratu zaigun!!!