ASTE HONETAKO PROIEKTURAKO PROPOSAMENAK

Aste honetan, emozioen gaiari jarraiki, bi proposamen aurkeztu ditugu. Matematika eta Logika gunean, haurrek zenbait jarraibide jarraitu behar izan dituzte munstroen inguruko seriazioa egiteko. Plastika eta esperimentazioan berriz, munstroa artikulatua osatu dute. Haurrek, tokatu zaien munstroa koloreztatzeko orduan arreta jarri behar izan dute zein kolorez margotu behar duten jakiteko, jarraian piezak moztu dituzte eta azkenik, tximeletekin munstroa osatu dute.

   

           

JOLAS LIBREA

Haurrak, espazio handian, jolasaren bitartez esperientzia berriak bizitzeko aukera dute. Eskaintza zabala dago eta gelaren diseinuak eta material desberdinek, ikaskuntza aktiboa eta manipulatiboa bultzatzeko aukera ematen digute.
Zein gunetan jolastu, haurrek libreki aukeratu dezakete bere interes eta nahiak asetuz.

Hona hemen, jolas libre momentuaren zenbait irudi:

EMOZIAK EZAGUTZEN

Aste hontan emozio ezberdinak ezagutu ditugu: poztasuna, tristura eta haserrea.

Hauek lantzeko "Koloretako munstruoa" ipuina erabili dugu:

Plastika tailerrean emoziometroa egin dugu, etxera eramaten dutenean  beraiek nola sentitzen diren adierazteko.

Matematika txokoan, landu ditugun munstroak borobildu ditugu.

HASIERAKO PROPOSAMENAK

Kaixo familia!

Ikasturte berriarekin batera, proiektuetarako proposamenak aurkeztu ditugu aste honetan. Ikasturte honetan bidelagun izango dugun TXIRRITX kilkerra aurkeztu diegu, izan ere,Txirritx-ek abesti, olerki eta ipuin berriak erakusteaz gain, proposamen berriak luzatuko dizkigu.

Bi lan proposatu ditugu. Hona hemen zenbait irudi:

Hiru taldeentzako, Proiektuetarako proposamenak eraiketa gunean aurkezten ditugu

Seriazioak egitea izan da beste proposamen bat; koloreak, formak eta kopiaketak kontutan hartu behar izan dituzte

 

        Txirritx-en irudia koloreztatzen

LEHENDABIZIKO EGUNA

Kaixo denori!!!

Atsegin handiz agurtzen gara lehendabiziko egun honetan! Emozioak pil-pilean izan ditugu baina gogotsu eta gustura eman diogu hasiera ikasturte berriari. 

Goiza lasai eta martxa onean joan da beraz, asteburu ona pasa eta astelehenerarte!